viernes, 24 de abril de 2009

galegoespañol

Evolución

DE GALILEO A DARWIN

:· PLANETARIO
>> Casaciencias
Prezo: 2€ (1€ para menores de 14, maiores de 65, Carné Xove e Tarxeta Vinte)
Duración: 50 minutos

FINALIZADO
25 abril 2009 – 27 novembro 2011

«Evolución» é unha coproducción do Planetario de Pamplona, os Museos Científicos Coruñeses e o Museo de las Ciencias de Castilla-La Mancha, coa axuda da Fundación Española para la Ciencia y la Tecnología:
Un programa de planetario sobre a revolucionaria idea que cambiou a nosa visión do cosmos. Aquí podes ver algunhas escenas:



«Evolución» é o primeiro programa de planetario creado especificamente para o novo sistema de proxección dixital da Casa das Ciencias, instalado a comezos de ano co patrocinio de Caixanova.

Este novo planetario dixital permite ver panoramas, ceos completos e vídeos a toda cúpula. Así, en «Evolución» poderemos:

— Gozar dunha espectacular recreación do impacto dun enorme corpo sobre a Terra, que deu lugar á Lúa.

— Somerxernos nunha tormenta ou en grandes ondas do océano

— Viaxar ao lugar con maior concentración de telescopios de todo o mundo, o observatorio do Roque de los Muchachos na illa de La Palma.

«Evolución» é unha contribución ás dúas grandes celebracións científicas de 2009: o Ano Internacional da Astronomía e o Ano Darwin, enlazadas a través dun concepto como é o da evolución, clave tanto para a comprensión da vida coma da estrutura do universo.

O programa comeza cunha introdución na que realizamos unha viaxe polo espazo-tempo dende o momento primordial no que comezou todo, o Big Bang, ata os nosos días. A partir de aí, os contidos estrutúranse en catro partes principais:
  1. O Universo nun círculo
    Os ciclos naturais, diurno e anual, fan que nos sintamos atrapados nun bucle infinito: é a idea contraria á de evolución.
  2. A evolución na Terra
    A formación do Sistema Solar e unha breve historia da vida na Terra, baseada na química do carbono, un elemento que non existía cando naceu no Universo.
  3. Acerca do Universo
    No observatorio do Roque de los Muchachos os grandes telescopios observan o universo e descubren as belas imaxes de nebulosas onde nacen estrelas, que tamén evolucionan e morren.
  4. A teoría de Darwin
    Hai 400 anos Galileo fíxonos ver que non todo xira arredor da Terra, e hai 150 anos Darwin mostrou ao mundo que nin sequera a humanidade é o centro da vida.

:· MÁIS INFORMACIÓN
Evolución | Web do programa de planetario
Detalles do proxecto, noticias, enlaces e créditos.



 

© 2017, Museos Científicos Coruñeses (Concello da Coruña) | Comentarios e suxestións