Xplore Health

DESCOBRE O ÚLTIMO EN INVESTIGACIÓN BIOMÉDICA

:· OBRADOIROS EXPERIMENTAIS

Na Domus haberá 5 eventos Xplore Health:
1. Como se desenvolven os fármacos?
21 e 23 xuño 2011 Experiencia para sintetizar un dos compoñentes dun fármaco contra o Parkinson.

Cada evento consiste nun laboratorio aberto + unha actividade de diálogo.

Nos eventos participarán as escolas pilotos do proxecto: IES Monte Castelo (Burela), IES Maximino Romero de Lema (Baio), IES Moncho Valcarce (As Pontes), IES David Buján (Cambre), IES Sardiñeira (A Coruña).

= comité de actividades
Este comité do proxecto Xplore Health ten cinco membros que representan a diferentes museos de Europa:

• España: Domus (A Coruña)
• Francia: Jardin des Sciences (Estrasburgo)
• Polonia: Copernicus Science Centre (Varsovia)
• Reino Unido: Centre for Life (Newcastle)
• Reino Unido: At-Bristol (Bristol)

Xplore Health é un proxecto europeo coordinado polo Parque Científico de Barcelona para construír un portal online sobre a investigación máis actual en saúde.

O portal conterá ferramentas multimedia para implicar á poboación en xeral, e realizará actividades en museos de ciencia e escolas para estimular o interese da sociedade en investigación en saúde, e os seus aspectos legais, éticos e sociais.

Ao longo do proxecto organizaranse actividades en museos e escolas de toda Europa, entre eles a Domus da Coruña, en paralelo cunha intensa promoción a nivel europeo.


Álbum de "Xplore Health" en flickr.com

Os primeiros contidos do portal xa están dispoñibles en xplorehealth.eu

As ferramentas desenvolvidas polo proxecto incluirán:

• Videos: onde se fará unha presentación a un tema de saúde, con información tanto do estado previo como da actualidade na investigación. Os contidos desenvolveranse a partir de entrevistas a científicos europeos.
• Xogos de diálogo: estas ferramentas poñen en xogo situacións onde diferentes opcións e eleccións están dispoñibles. A través do diálogo os participantes comprenden a complexidade das políticas sanitarias. Para o proxecto deseñaranse oito xogos que serán traducidos a varios idiomas.
• Experimentos que se desenvolverán en diferentes laboratorios abertos en Europa, convidando o público a participar na investigación máis actual en saúde.
• Experimentos virtuais: unha oportunidade para o usuario para recrear virtualmente experimentos.
• Animacións para explicar proxectos e conceptos científicos con gráficos interactivos.
• Paquetes educativos qque serán desenvolvidos tanto para público escolar como xeral.