miércoles, 28 de septiembre de 2011

galegoespañol

Orixes

CINCO FITOS NA EVOLUCIÓN HUMANA

:· EXPOSICIÓN TEMPORAL
ONDE?
Xardíns de Méndez Núñez
A Coruña

CANDO?
FINALIZADA
27 setembro—1 novembro 2011
Luns a venres,
12:30-14:00 e 17:00-21:00
Sábados, domingos e festivos,
11:00-14:00 e 17:00-21:00

PREZO Entrada GRATUÍTA
VISITAS ESCOLARES Previa cita, no teléfono 902 906666
VISITAS GUIADAS Sábados, domingos e festivos: 12:00 e 18:00

MÁIS INFORMACIÓN
Web da exposición


Unha exposición producida por:

Coa colaboración de:


A Obra Social “la Caixa”, o Concello da Coruña e os Museos Científicos Coruñeses presentan a exposición «Orixes. Cinco fitos na evolución humana». A mostra estrutúrase en cinco ámbitos que presentan momentos clave na evolución da humanidade. Un camiño que diversas especies do noso xénero percorreron con maior ou menor éxito.

A preocupación por establecer a liña evolutiva do home foi unha constante na súa historia e aínda que os novos achados moitas veces poñen en dúbida certos aspectos da evolución humana, o que si parece certo é que o proceso de hominización e humanización que viviu a Terra empezou hai máis de 4 millóns de anos.



O bipedismo, a fabricación das ferramentas, o dominio do lume, a autoconciencia e o coñecemento abstracto son cinco factores transcendentais que cambiaron o curso da evolución humana.

A exposición «Orixes» reconstrúe distintas etapas da evolución, as formas de vida dos diferentes homínidos de hai 10 millóns de anos, cando o Dryopithecus poboaba as selvas húmidas de Europa, ou de hai 35.000 anos, cando o Homo sapiens realizaba as pinturas rupestres nas covas.

A mostra combina o rigor científico cunha vontade divulgativa: escenografías de tamaño natural, reproducións realistas de individuos das distintas especies, son algúns dos elementos museográficos que constitúen a exposición.

Fitos
Hai uns 10 millóns de anos, un antepasado euroasiático, o Dryopithecus (mono das árbores, en grego) desenvolveu a braquiación, unha maior lonxitude da man, uns brazos máis longos que as pernas, unha columna vertebral máis curta e ríxida, un tórax ensanchado... Desta forma puido desprazarse colgado das ramas e escapar dos depredadores do chan.

O bipedismo
Hai 6 millóns de anos, os cambios climáticos provocaron a redución das selvas húmidas, o que motivou novas necesidades nos antropoides, como o cambio de hábitat ou a necesidade de baixar ao chan e desenvolver novos mecanismos defensivos. O bipedismo permitiu aos primates dominar un horizonte máis afastado, desprazarse máis eficazmente e asegurarse a alimentación. Ademais, o feito de ter as mans libres facilitaba a recolección e o procesamiento dos alimentos.

As ferramentas
O que distingue ao xénero Homo dos homínidos anteriores é a capacidade de fabricar ferramentas a partir de obxectos naturais. Esta é a primeira mostra de adquisición cultural e irá seguida en pouco tempo de todas as demais. A linguaxe e o aumento do tamaño do cerebro evolucionaron conxuntamente, en interacción coa produción de ferramentas. As ferramentas permiten cazar e descortizar as presas. A mellora na dieta e o consumo de carne permitiron un maior desenvolvemento cerebral e á súa vez un desenvolvemento tecnolóxico.

O lume
O control do lume é unha das conquistas culturais máis importantes na evolución humana. As probas máis antigas deste control remóntanse a hai case 500.000 anos. O dominio do lume representou unha auténtica revolución nas comunidades primitivas. Permitiu asar os alimentos, conservalos e mellorar con iso a dieta. Tamén facilitou a conquista de novos territorios e a posibilidade de defenderse dos depredadores. As relacións sociais víronse favorecidas co aumento das horas de luz.


A autoconciencia
Os primeiros enterramentos humanos infórmannos da aparición dun comportamento simbólico. O home, por primeira vez, ten conciencia da súa propia existencia, experimenta angustia ante a morte e pregúntase polo máis aló. Os neandertales enterraban aos seus mortos preto do seu propio hábitat, en tumbas ben visibles e colocándoos en posición fetal. O morto, ademais, recibía un tributo simbólico en forma de ofrenda.

Símbolo... o principio do coñecemento abstracto
A aparición da linguaxe simbólica demostra a complexidade da mente humana e a súa capacidade de abstracción. A partir deste primeiro paso, desenvolverase a linguaxe, a arte e a civilización. As obras de arte primitiva tiñan unha función estética, mística e de cohesión social. O Homo sapiens desenvolveu unha gran variedade de formas artísticas, como a pintura nas paredes das covas, o modelado de arxila, a talla e o gravado.


:· PARA SABER MÁIS
Homínidos e homínidas | Domus
Sección sobre Evolución humana na Casa do Home da Coruña
Recursos dixitais: Evolución | e-Museo (=mc2)
Materiais didácticos relacionados coa evolución: vídeos, interactivos, conferencias, monografías, cadernos, preguntas, etc.



 

© 2017, Museos Científicos Coruñeses (Concello da Coruña) | Comentarios e suxestións