martes, 6 de marzo de 2012

galegoespañol

ExploraDomus Escola

CURSO 2012-2013

:· PARTICIPA
CANDO E ONDE?
Na Domus.
Martes, de 11:00 a 12:00
Desde o 2 de outubro.

INSCRICIÓN
A partir do 24 de setembro, chamando ao 981 189840 ou escribindo a domus@casaciencias.org

Para alumnos de 6 a 10 anos, integrantes de grupos escolares.
(30 alumnos como máximo)

PREZO
1 € por alumno
(gratis para centros escolares do Concello da Coruña ou que sexan socios da Asociación de Amigos da Casa das Ciencias)

MÁIS INFORMACIÓN
  • Visitas escolares
  • ExploraDomus Fin de semana



  • «ExploraDomus» é un programa de actividades de exploración da ciencia da contorna máis próxima. Esta convocatoria, dirixida a centros educativos, fará unha incursión na ciencia que se pode atopar na cociña e no baño.

    >> Tamén hai sesións de ExploraDomus as fins de semana, ás que os cativos poden asistir de xeito individual.

    Os participantes porán en práctica as ferramentas dos científicos: fixaranse naquilo que habitualmente nos pasa desapercibido, farán preguntas, observarán e compararán.

    A ciencia é unha forma de entender como funciona o mundo. É explorar o que che rodea desde un punto de vista científico. Con ExploraDomus verás que podes facelo en moitos máis sitios dos que imaxinas.

    >> Escolle entre as dúas versións desta actividade: "Explorar a cociña", un sitio estupendo para facer experimentos; ou "Explorar o baño", onde podemos descubrir a ciencia que esconde unha pinga de auga ou unha pompa de xabón.

    PROGRAMA DA ACTIVIDADE

    Explorar a cociña

    —Fabrica a túa propia momia
    Faremos un experimento que utiliza ciencia moi, moi antiga. Trátase dun procedemento do Antigo Exipto cuxo resultado non é en absoluto comestible. ¡Imos facer unha momia! Unha momia é un corpo preservado, é dicir, que dura moitísimo tempo. No Antigo Exipto se momificaba á xente. Agora non imos a momificar a ningunha persoa que coñezas. Pero no seu lugar imos a momificar… unha salchicha.

    —Maizena alucinante
    Exploraremos de primeira man as propiedades sorprendentes da Maizena, un tipo de mestura formado por partículas pequenas e sólidas de fariña de millo suspendidas en auga. Esta mestura compórtase dunha forma moi estraña. Vólvese máis viscosa canto máis rápido te moves. Se nadases nunha piscina de maizena terías que nadar cara ao bordo moi lentamente. Canto máis lento te movas, menos resistencia fará a maizena aos teus movementos.

    b) Explorar o baño
    —Construamos con burbullas

    As burbullas son redondas cando flotan no aire. Pero cando as colocas moi xuntas podes conseguir unha chea de formas diferentes. E é que as moléculas de auga dun líquido xabonoso buscan estar o máis xuntas posible. Esta necesidade de apertarse e estar o máis xuntas que se poida é o que dá lugar ás distintas formas que adoptan as pompas de xabón.

    —Cal é a forma dunha pinga de auga?
    Un día que esteas a pasear despois de que chovese, ou moi cedo pola mañá antes de que o rocío téña secado, fíxate na forma das pingas de auga sobre as follas, as teas de araña ou os coches mollados. Unha pinga de auga sobre unha superficie con cera dá a impresión de ter unha pel que a rodea. A pinga parece un balón de auga colocada no chan. Se a picas cun escarvadentes limpo non sucede nada. Pero se a picas cun escarvadentes con xabón a pinga rompe como un balón de auga que explota. Isto é raro, raro!



     

    © 2017, Museos Científicos Coruñeses (Concello da Coruña) | Comentarios e suxestións