miércoles, 1 de agosto de 2012

galegoespañol

As paisaxes do cerebro

NEUROCIENCIA E ARTE

:· EXPOSICIÓN TEMPORAL

>> Domus
Planta baixa
1 agosto - 29 outubro 2012
FINALIZADA

"As paisaxes do cerebro" é unha colección de cadros pintados ao óleo sobre lenzo polo neurocientífico José Rodrigo García.

Esta exposición ten dous obxectivos:
  • Favorecer que o coñecemento científico chegue ao cidadán para incrementar o interese polo mundo da ciencia.
  • Transmitir ao visitante as sensacións vividas polo investigador como froito do seu traballo, ás veces descoñecido pola sociedade.
A Domus presenta “As paisaxes do cerebro”, unha exposición na que pintura e neurociencia danse a man. Os cadros de José Rodrigo convidan a contemplar e gozar a complexa estrutura da cortiza cerebral, do hipocampo e do cerebelo, coma se fosen paisaxes.


“Medula espinal. Estrutura xeral”
A medula espinal está constituída por un cordón tubular e macizo, onde a sustancia gris atópase rodeada na súa parte máis externa pola sustancia branca.


"Compoñentes neuronais da cortiza cerebral (VII)"
Entre a diversidade morfolóxica das neuronas que forman o manto cortical faremos mención especial ás neuronas en candelabro. Posiblemente están relacionadas coa rapidez ou aceleración das respostas para determinados estímulos.
A beleza do sistema nervioso e as súas posibilidades atraen o interese de numerosos grupos de investigadores. Estes neurocientíficos poñen en marcha proxectos que buscan comprender mellor a estrutura e funcionamento destes asombrosos tecidos, tentando desenvolver os necesarios mecanismos protectores e reparadores cos que preservar a súa estrutura integral.

En palabras do autor:
«Todos eses proxectos alcanzasen algún día, non moi afastado, os obxectivos marcados, facéndose realidade o que hoxe parece ser unha ilusión»

José Rodrigo García (Madrid, 1936). Doutor en Mediciña, é na actualidade Profesor de Investigación Ad Honorem do Instituto Cajal. Os seus traballos foron recollidos en máis de 200 publicacións internacionais, dirixiu máis de 30 teses doutorais e a súa actividade científica foi financiada en máis de 40 proxectos de investigación.

Tras a súa xubilación comezou a súa actividade artística, desenvolvendo unha obra que se inspira no seu propio labor como neurocientífico. Expoñeu en diversas institucións científicos e universidades, ao longo da xeografía española.


:· PARA SABER MÁIS

Vídeo: "Los paisajes del cerebro" | Real Academia Nacional de Medicina
O Dr. José Rodrigo García explica a exposición.



 

© 2017, Museos Científicos Coruñeses (Concello da Coruña) | Comentarios e suxestións